Kơxo lơ 6/2 a Hà Nội, Đảng ủy kŏng an xiâm tơnêi têa, Khu xiâm Kŏng an tơkŭm po kân krip Leh tơbâ 75 hơnăm “Kŏng an Nhân dân hriâm tâp, pêi pro Tơdrốu tơdroăng Pôa Hồ hnê”; 75 hơnăm Hâi mơjiâng khu lêng Kŏng an nhân dân lơ 11/3 ƀă tơdah Mê dai Kring vế Tơnêi têa ối má Môi. Tơbleăng a rôh leh, pôa Nguyễn Phú Trọng, Kăn xiâm pơkuâ hnê ngăn Đảng tối nhên, tơpui tối ‘nâng ‘nâi, kô hlê Tơdrốu tơdroăng Pôa Hồ hnê Kŏng an Nhân dân, mê cho: Tơrŭm tung hiâm mơno, tung tuăn mơno dêi rêm ngế kăn ƀô̆, mâu lêng Kŏng an (mê cho ƀă tơná); tơrŭm pa kong dêi rêm ngế kăn ƀô̆, mâu lêng Kŏng an (mê cho ƀă vâi pú, ƀă kuăn pơlê, ƀă Chin phuh, ƀă xâ); tơrŭm dêi rêm ngế kăn ƀô̆, mâu lêng Kŏng an ƀă tơdroăng cheăng cho mâu tơdroăng cheăng tơná kal pêi, chiâng pêi, ƀă khŏm thế chiâng pê klêi tiô ivá tơná, hnoăng cheăng, tiô todroăng xing xoăng.  

Vâ pơtối mơdêk rơdêi tâ nếo tơdroăng hriâm tâp, pêi pro tơdrốu tơdroăng Pôa Hồ hnê, mâu lêng Kŏng an Nhân dân, pôa Nguyễn Phú Trọng kăn xiâm pơkuâ ngăn Đảng tối nhên tơdroăng pơkâ thế ƀă tâi tâng mâu lêng kŏng an nhân dân tung lâp tơnêi têa kal tơmâng pêi pro tro, tơkŭm pêi tro pái tơdroăng ki xiâm, mê cho: “Hriâm  tâp”, “Mơ-eăm pêi pro, pêi  ƀối’’ ƀă “pro troăng ahdrối, prôk hdrối’’.