A rôh tơdah pôa Nguyễn Trọng Nghĩa ƀă Kăn teăng mâ Mih a Việt Nam môi tuăn hơnăm 2025 cho hơnăm ki ai pơxúa kal khât, mơnhên tối tơbâ 50 hơnăm Việt Nam môi tuăn tơnêi têa, 30 hơnăm Việt Nam – Mih pro tơ’lêi hlâu tơrŭm cheăng, cho rôh vâ péa tơnêi têa rơtế ƀă dêi rpơó tơmâng xo mâu tơdroăng ki mơnhông tơƀrê ton xŏn, ing tơdroăng ki ton nah troh nôkố ƀă tơmiât troh tung la ngiâ.

Péa pâ tối rơdêi tơrŭm cheăng tơniăn lĕm pơla péa tơnêi têa cho ing tơdroăng tơngah khât dêi kuăn pơlê péa tơnêi têa, cho tơdroăng ki pêi pro khât troăng ngăn, tơdroăng vâ pêi ƀă ivá dêi mâu kăn pơkuâ dêi péa tơnêi têa, tung tơdroăng ton nah xuân môi toah nôkố. Tởŭm cheăng Việt Nam – Mih kô cho ivá ăm tơdroăng kro mơdrŏng ƀă gâk kring a môi tung mâu kơpong ki kal má môi tung lâp plâi tơnêi, xua hơniâp lĕm, tơniăn, tơrŭm cheăng ƀă mơnhông krá tơniăn.