Pôa Nguyễn Trọng Nghĩa pơtroh rơkong rơkâu mâu tơdroăng ki lĕm má môi drêng troh leh tơbâ 68 hơnăm hâi Thái pơkeăng Việt Nam troh mâu rơxông ƀok thái pơkeăng, rơtế ƀă mâu kăn tâi tâng khu kăn ƀô̆, mâu kŏng chưk, viên chưk dêi 2 to hngêi pơkeăng, pôa Nguyễn Trọng Nghiã tối, tung la ngiâ kơvâ ngăn pơkeăng kô trâm hên mâu tơdroăng pá, pơloăng mơnúa.

Xua mê mâu ƀok thái pơkeăng mâu ngế cheăng khăm pơlât kal thế pơtối mơ-eăm, tơkâ luâ tŭm tơdroăng pá, pơtối rak vế tuăn ngôa rơkê, ki rơkê ‘na tơdroăng cheăng dêi tơná, rak hiâm tuăn lĕm, mơdêk ki tơƀrê tung tí tăng ‘nâi plĕng ‘na khoa hok, hnê mâu ngế kăn ƀô̆ ƀă tơdroăng pêi pro ‘na cheăng kâ tơmâng khât troh tơdroăng rêh ối, mơdêk pê lo tơmeăm ăm mâu kăn ƀô̆, ƀok thái pơkeăng pêi tơdroăng cheăng rak ngăn, kring vế mơdêk dâi lĕm ivá kuăn pơlê. Vâ ing mê tơxâng cho mâu hngêi pơkeăng ki xiâm dêi lâp tơnêi têa.