Kơxo lơ 30/11, a tíu pêi cheăng dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa, Kăn xiâm hnê ngăn Khu lo tŏng veăng Việt Nam pêi cheăng ƀă mâu kăn xiâm dêi Khu vâ tối mâu tơdroăng cheăng ‘na rêh ối tung rôh Têt Lo hơnăm nếo 2023. A rôh pêi cheăng, pôa Nguyễn Xuân Phúc, Kăn xiâm hnê ngăn tơnêi têa pơkâ thế Khu ‘mâi mơnhông mâu kăn cheăng pêi cheăng ing Tíu xiâm troh rêm râ, pơtối rak vế ki rơdêi dêi Khu; tối luât pơkâ tŏng kum, tơmeăm, rơxế, tá luât pơkâ rêh ối, tơmeăm khoăng vâ pêi tơdroăng cheăng dêi khu ăm châ tơƀrê, Kăn ƀô̆ Khu hmiân tuăn pêi cheăng.

Khĕn kơdeăn khât Khu lo tŏng veăng ai pêi pro tơdroăng Mơhnhôk Têt tuăn pâ tung rôh Têt Lo hơnăm nếo Qúy Mão, pôa Nguyễn Xuân Phúc tối pơchân tung pơla sap nôkố troh Têt  Lo hơnăm nếo ôh pá ton xếo, Khu kố ai tơdroăng pơkâ tơbleăng pêi nhên, hlối tơniăn ai veăng kum dêi rêm râ khu xiâm, kơvâ cheăng ƀă kong pơlê, hlối mơhnhôk tăng liăn ing pơlê pơla vâ tŏng kum Têt ăm mâu ngế kơtiê, mâu ki xơpá.