Koh phiu ro pôa Kim Sang –Hwan, Ngế xiâm pơkuâ Hngêi tơleăng tơnêi têa, Hngêi tơleăng xiâm Hàn Quốc ƀă khu râ kăn xiâm lăm pôu Việt Nam tro roh péa tơnêi têa leh tơbâ 30 hơnăm mơjiâng tơrŭm tơpui kâ ƀă kong têa ê, Kăn xiâm hnê ngăn tơnêi têa vêh tối tơdroăng ki lĕm tro ‘na roh lăm pôu râ tơnêi têa troh Hàn Quốc tung pơla kố nah, nhuô̆m tơdroăng tơdah kân krip tá hiâm mơno dêi pôa Yoon Suk Yeol, Kăn xiâm pơkuâ kong têa Hàn Quốc ƀă khu râ kăn xiâm Hàn Quốc.

Kăn xiâm hnê ngăn tơnêi têa loi tơngah ƀă tơrŭm Khu tơrŭm cheăng ton xŏn pơla péa tơnêi têa, Hngêi tơleăng xiâm péa tơnêi têa kô tơrŭm krá tơniăn, châ tơƀrê tâ nếo veăng kum tung tơrŭm cheăng kố. Ngế xiâm pơkuâ hngêi tơleăng tơnêi têa, hngêi tơleăng xiâm Hàn Quốc Kim pôa Sang-Hwan mơnê kơ pôa Nguyễn Xuân Phúc mơdoh chôu tơdah ƀă mơnê hên drêng châ tơdroăng tơdah tá hiâm mơno ing peăng Khu pơkuâ hngêi tơleăng xiâm Việt Nam. 

Pôa xuân tối tơdroăng phiu ro drêng péa tơnêi hiăng mơdêk tâ tơrŭm to ‘’Khu tơrŭm cheăng ton xŏn’’, Ngế xiâm tối, kố cho xiâm kối vâ mơhnhôk péa Hngêi tơleăng xiâm tơdjêp tơ’nôm mâu tơdroăng tơrŭm ó rơdêi tâ tung la ngiâ.