Kơxo lơ 14/12, a Pơlê kong kân Đà Nẵng, pôa Nguyễn Xuân Phúc, kăn xiâm hnê ngăn tơnêi têa, pôa Võ Văn Thưởng, kăn pơkuâ hnê ngăn Đảng veăng a Leh pơxiâm tơbleăng tơdroăng tơkêa ‘no liăn mơjiâng bro Kơno tuk Liên Chiểu, ‘na hngêi trăng troăng klông tơdjuôm.

Tơpui a rôh leh, pôa Nguyễn Xuân Phúc, kăn xiâm hnê ngăn tơnêi têa tối nhên: Kơno tuk Liên Chiểu kô cho tíu ki rơkê hơ’lêh ôh ti xê ƀă kơvâ pơto chơ, logistics ki kơvâ ôm hyô ƀă tê mơdró Đà Nẵng kô châ pơxúa, bro chiâng tíu tê mơdró lâp plâi tơnêi ki hên kơvâ, po rơdâ tơnêi tơníu mơnhông ôh ti xê to Đà Nẵng mê ối tá kơpong Peăng tơdế Tơnêi têa; rak  tơniăn gak kring, rak vế tơdroăng ki xiâm ăm Tơnêi têa.

Kăn xiâm hnê ngăn tơnêi têa pơchân, kố cho tơdroăng tơkêa ki kân, tá túa pơkâ ƀă tâi tâng kơlo liăn ‘no, tơdjâk troh 4.324 rơpŏng kuăn pơlê mê bro rĕng, rĕng bro klêi, bro dâi vâ kuăn pơlê rĕng tơniăn tung rêh ối; ‘na tơdroăng séa ngăn, pơkâ thế; tŏng kum tơdroăng ki tơvâ tơvân cho kal khât.