Tơbleăng a rôh pêi cheăng, pôa Nguyễn Xuân Thắng ai tối nhên, Khánh Hòa ai tíu pêi cheăng - tíu xiâm - cheăng kâ ki kal; cho kong pơlê ai tơring a chuăn Trường Sa; ai hên tơmeăm khoăng, tơ’lêi vâ mơnhông tơƀrê kong pơlê; cho péa ki po ngi têa kơxĭ, tíu xiâm tơdjêp ƀă kơpong Tây Nguyên  ƀă mâu kong pơlê kĭng têa kơxĭ peăng Hdroh tơdế tơnêi têa ngi mâu kơpong, mâu tíu tung lâp tơnêi têa ƀă lâp plâi tơnêi.

Pôa Nguyễn Xuân Thắng pơkâ thế Đảng ƀô̆, mâu kăn ƀă kuăn pơlê kong pơlê Khánh Hòa pơtối rak vế pêi pro tơdroăng hriĕn plĕng, mơdêk rĕng tơdroăng mơnhông cheăng kâ; tung mê, cheăng kâ têa kơxĭ cho ki xiâm, ôm hyô cho kơvâ cheăng kâ ki xiâm, mơnhông tơƀrê a mâu kơno têa kơxĭ, tơkŭm mơnhông pái kơpong ki xiâm cho kơpong kung king Vân Phong, pơlê kong kơdrâm Nha Trang ƀă kơpong kung king Cam Ranh.