Tiô rơkong krếo thế dêi pôa Lý Hiển Long, Ngế pro xiâm hnê ngăn kŏng hoa Singapore ƀă pôa Sultan Haji Hassanal Bolkiah, pơtáu kong têa Brunei Darussalam, pôa Phạm Minh Chính, Ngế pro xiâm hnê ngăn Chin phuh ƀă kơdrâi pôa rơtế Rŭm môi tuăn khu râ kăn xiâm tơnêi têa Kŏng hoa xah hô̆i chuh ngiah Việt Nam kô lăm pôu kong têa Singapore ƀă Brunei Darrussalam sap ing hâi lơ 8 troh lơ 11/2/2023.

Lăm pôu pêi cheăng roh kố thăm kơnía tâ drêng kố cho tơdroăng ki kal apoăng tung mâu tơdroăng ki kal kô tơkŭm po a mâu kong têa klăng roh leh tơbâ 50 hơnăm mơjiâng tơrŭm cheăng tơpui kâ ƀă 10 hơnăm mơjiâng tơrŭm cheăng ton xŏn. Tung roh lăm pôu pêi cheăng kố, Ngế pro xiâm hnê ngăn mâu kong têa kô tơpui tơno ‘na troăng pêi ki nhên mâu tơdroăng môi tuăn dêi khu râ kăn pơkuâ ƀă ti tăng mâu troăng tơrŭm cheăng nếo tung la ngiâ.

Tung pơla 10 hơnăm ngiâ kố drêng Việt Nam ƀă Singapore kĭ tơrŭm cheăng ton xŏn, péa tơnêi têa hiăng tơrŭm tŭm têk tung rêm kơvâ cheăng, ing kal kí, tơpui kâ, cheăng lêng, gâk kring troh trâm mâ tơpui tơno pơla kuăn pơlê.