Pôa Phạm Minh Chính, Ngế pro xiâm hnê ngăn Chin phuh nhuô̆m pơtroh rơkong pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa kơ-êng hlối rơkâu ivá mo lĕm ăm pơtáu, kơdrâi pơtáu ƀă pơtáu kong têa Siam; rơkâu jâ Paetongtarn Shinawatra châ pơtáu kĭ ăm pro Ngế pro xiâm hnê ngăn kong têa Siam; loi kơ Chin phuh Siam ƀă kuăn pơlê Siam kô pơtối châ ƀlêi trâng hên tâ nếo tung tơdroăng mơjiâng tơnêi têa ƀă mơnhông tơnêi têa.

Pôa Phạm Minh Chính, Ngế pro xiâm hnê ngăn tơnêi têa tối luât pơkâ tơpui kâ môi troăng dêi Việt Nam, ngăn ƀă púi vâ mơnhông djâ tơdroăng tơrŭm cheăng pơla Việt Nam - Siam rế xông tơƀrê rế rơdêi. Péa ngế pro xiâm hnê ngăn tơnêi têa khĕn kơdeăn tơdroăng tơrŭm cheăng pơla Việt Nam - Siam dế mơnhông rơdêi, tơƀrê tung mâu kơvâ cheăng; malối rĕng mơnhông tơrŭm cheăng péa tơnêi têa tâk tung tŭm tơdroăng cheăng.