Pôa Lý Hiển Long, Ngế pro xiâm hnê ngăn kong têa hâk koh pôa Phạm Minh Chính, Ngế pro xiâm hnê ngăn Chin phuh lăm pôu Singapore; tối nhên hneăng lăm pôu veăng ‘no hnoăng mơnhông rơdêi ăm ‘na tơrŭm cheăng lĕm pơla péa  tơnêi têa.

Péa Ngế pro xiâm hnê ngăn khĕn kơdeăn khât mâu tơdroăng mơnhông tơniăn tung tơrŭm pơla Việt Nam Singapore tá tŭm péa pâ ƀă hên troăng hơlâ. ‘Na tơdroăng ki xiâm tơrŭm cheăng la ngiâ, péa Ngế pro xiâm hnê ngăn vâ môi tuăn ôh tá pơtê mơdêk tơrŭm cheăng kâ; tơbleăng tơƀrê mâu tơdroăng tơhrâ tơrŭm cheăng, pro tơ’lêi hlâu ăm ‘na mơnhông mơdêk tơrŭm tung mâu tơdroăng cheăng nếo ƀă tơdroăng môi tiah cheăng kâ kơxô̆, cheăng kâ ngiât ƀă hơ’lêh hriăn plĕng ki nếo, on tơhrik krúa, hbrâ mơdât xía vâ hyôh kong prâi hơ’lêh.

Péa pâ xuân vâ môi tuăn mơdêk tơrŭm cheăng tung mâu kơvâ cheăng lêng kring tơniăn, ôm hyô, trâm tơpui tơno ƀă kuăn pơlê malối pơla droh rơtăm péa tơnêi têa.