A roh pêi cheăng, tơbleăng ƀă pôa Phạm Minh Chính, Ngế pro xiâm hnê ngăn Chin phuh, Thiê̆u tươ̆ng Phạm Hải Trung, Kăn pơkuâ Khu lêng gâk kring tíu chôu ‘măn poăng Pôa Hồ Chí Minh, Kăn xiâm hnê ngăn tơnêi têa hneăng apoăng, Kăn pơkuâ Tíu chôu ‘măn poăng Pôa Hồ tối ăm ‘nâi, 6 khế apoăng hơnăm 2024 dêi Khu pơkuâ Tíu chôu ‘măn poăng Pôa Hồ hiăng pêi pro tơtro tơdroăng cheăng tơbleăng ƀă Đảng, Tơnêi têa, Ngế pro xiâm hnê ngăn Chin phuh ƀă Khu pơkuâ lêng Tơnêi têa, Khu xiâm pơkuâ lêng ‘na hnoăng cheăng rak ton xŏn, gâk kring tơniăn păng ‘nâng châ Pôa Hồ Chí Minh, Kăn xiâm hnê ngăn tơnêi têa hneăng apoăng.

Teăng mâ Chin phuh, Ngế pro xiâm hnê ngăn tơnêi têa kheăn kơdeăn ƀă mơnhên păng ‘nâng mâu tơdroăng mơ-eăm, pôu râng hnoăng cheăng ƀă tơdroăng châ tơƀrê dêi khu pú hên kăn ƀô̆, kŏng chưk, viên chưk, mâu lêng ƀă mơngế pêi cheăng Khu pơkuâ ngăn tíu chôu ‘măn poăng Pôa Hồ ƀă mâu kơ koan, tíu cheăng, ngế krê pêi pro hnoăng cheăng tung Kơpong Tíu chôu ‘măn tơmeăm khoăng ton nah – khôi túa lĕm Ba Đình.

Tung la ngiâ, Ngế pro xiâm hnê ngăn tơnêi têa pơkâ thế Khu pơkuâ tíu chôu ‘măn poăng Pôa Hồ pơtối mơnhông hiêm mơno hbrâ, tơmiât pêi rơkê, tơrŭm krá tơniăn, châ tơƀrê ƀă mâu kơ koan vâ kêi đeăng rơkê má môi hnoăng cheăng châ pơcháu tá plâi nuih, hiâm mơno pâ nhuô̆m tơnêi têa, hiâm mơno hâk tơngăm hdroâng mơngế./.