Pôa Phạm Minh Chính, Ngế pro xiâm hnê ngăn Chin phuh pơkuâ po rôh hôp mơdât tơnăng ká xi xŏng IUU
Thứ năm, 14:22, 29/08/2024
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxê lơ 28/8, pôa Phạm Minh Chính, Ngế pro xiâm hnê ngăn Chin phuh pơkuâ po Rôh hôp mơnhên tối klêi kơ’nâi pêi pro tơdroăng ki mơdât tơnăng ká xi xŏng ôh tá tro luât, ôh tá tối tơbleăng ƀă ôh tá pêi tiô pơkâ (IUU), hbrâ rơnáu tơdah ƀă pêi cheăng ƀă Khu ki lăm ngăn dêi Vi ƀan châu Âu (EC) rôh má 5; khŏm mơ-eăm tah “Theh trĭng” IUU dêi EC.
Ƀă khŏm mơ-eăm tah tối tơbleăng “Theh trĭng” a rôh lăm ngăn rôh má 5 dêi Khu ki lăm ngăn dêi EC tiô tối hdrối a khế 10/2024, Ngế pro xiâm hnê ngăn tơnêi têa pơkâ thế, mâu kăn mơnhên tối, tơpui tơno ngăn troh nôkố klêi kơ’nâi ‘mâi mơnhông mâu tơdroăng ki tá hâi pêi pro, mâu tơdroăng ki tá hâi pêi tơdroăng pâ thế dêi EC.
Ngế pro xiâm hnê ngăn tơnêi têa xuân pơkâ thế rôh hôp pêi pro nhên mâu tơdroăng ki tá hâi pêi klêi, ối ‘ro nôkố ƀă ai troăng hơlâ tơkŭm tŏng gum klêi mâu tơdroăng pro xôi tơnăng ká xi xŏng IUU hiăng châ Khu lăm ngăn EC mơhno, rak tơniăn tơdah ƀă pêi cheăng ƀă Khu ki lăm séa ngăn EC rôh má 5 châ tơƀrê tro má môi.
Viết bình luận