Kơxê lơ 2/2, pôa Phạm Minh Chính, Ngế pro xiâm hnê ngăn Chin phuh pơkuâ roh hôp ‘na tơdroăng mơjiâng luât khế 1/2023. A roh hôp, Chin phuh kô séa ngăn pơkâ mơjiâng luât ‘mâi rơnêu, tơ’nôm mâu troăng dêi Luât gâk kring; pơkâ thế mơjiâng Luât cheăng pêi (‘mâi rơnêu); tơdroăng tơkêa bro luât têa (‘mâi rơnêu). Rơtế ƀă mê, séa ngăn pơkâ dêi Chin phuh ‘na Tơdroăng mơjiâng luât, luât hơnăm 2024; ‘mâi rơnêu Tơdroăng mơjiâng luât, luât hơnăm 2023; pơkâ mơjiâng tơdroăng tơkêa bro Tíu xiâm chêh ‘măn tơdroăng kal xiâm tơnêi têa; ‘na séa ngăn ‘’Pri Hồ Chí Minh’’, ‘’Pri Tơnêi têa’’ ‘na văn hok, ngê̆ thuât hơnăm 2021.\

Tiô Ngế pro xiâm hnê ngăn tơnêi têa, tơdroăng mơjiâng luât, pêi kêi đeăng luât hơnăm 2023 dêi Chin phuh cho kal kân. Xua mê, mâu Khu xiâm, kơvâ cheăng mơnhông mơdêk châ tơƀrê dêi hơnăm 2022, mâu Khu xiâm, kơvâ cheăng pơtối hnê mơhno, mơnhông mơdêk hnoăng dêi ngế ối a ko; tơ’nôm khu cheăng, mơ’no liăn mơjiâng mơngế pêi cheăng vâ tơkŭm mơjiâng, pêi kêi đeăng luât.