Ngế pro xiâm hnê ngăn Chin phuh tối ƀriê khât, mơnê pôa Jakkapong Sangmanee, Ngế xiâm pơkuâ rơtế ƀă Khu kăn kong têa Siam hiăng troh Việt Nam pôu ngăn Kăn xiâm hnê ngăn cheăng Đảng; tối nhên kố cho tơdroăng ki mơhno ăm tuăn hiâm tơrŭm tơroâ, ƀă veăng sĭng khéa pơla kăn xiâm pơkuâ ƀă Kuăn pơlê péa tơnêi têa.

Drêng kố, Ngế pro xiâm hnê ngăn Chin phuh vêh tối nếo rơkong krếo thế dêi pôa Srettha Thavisin, Ngế pro xiâm hnê ngăn kong têa Siam lăm pôu Việt Nâm ƀă rơtế po hneăng hôp Chin phuh tơdjuôm Việt Nam – Siam rôh má 4 tung pơla hâi khế tơtro. Péa pâ xuân tơpui tơno ƀă môi tuăn ‘na mâu troăng tơmiât tơrŭm cheăng pơla péa pâ pơla péa tơnêi têa tung la ngiâ, tung mê, ai tơdroăng tơbleăng tơƀrê tơdroăng cheăng tung la ngiâ “Pái tơdjêp”, thăm mơdêk tơrŭm tung mâu kơvâ cheăng gak kring, tê mơdró, ôm hyô ƀă troăng prôk, tung mê, tơtrŏng tơdjêp rơdêi tâ nếo tá troăng tơƀai, troăng prôk a ‘nâi, troăng rơxế lơ treng.