A rôh trâm mâ, pôa Phạm Minh Chính - Ngế pro xiâm hnê ngăn tơnêi têa tối nhên Việt Nam pơ’lêh túa mơnhông tơƀrê, tung mê thế mơnhông rĕng ƀă krá; ngăn a khoa hok kŏng ngê̆, pơ’lêh nếo, pơ’lêh kơxô̆; mơnhông cheăng kâ tơ’lêi hlâu, châ tơtêk, cheăng kâ pơ’lêh klêng.

Ngế pro xiâm hnê ngăn tơnêi têa pơkâ thế Khu mơngế ngăn ‘na cheăng on tơhrik tung lâp plâi tơnêi ƀă mâu Grup tung khu mơ-eăm monhông tơrŭm cheăng ƀă mâu khu pêi cheăng tê mơdró on tơhrik dêi Việt Nam tung mơjiâng tơmeăm khoăng, pơcháu kŏng ngê̆ kơjo kum hnê, malối athế tơrŭm mơnhông hnê rế hên mơngế rơkê cheăng ‘na kơvâ on tơhrik, hnê tơdroăng ăm rơkê pêi pro, kum Việt Nam ai mơngế ki rơkê ƀă kih sư ki rơkê tung lâp plâi tơnêi pêi cheăng tro tiô pơkâ kal vâ dêi kơchơ vâ. 

Chin phuh Việt Nam pơkâ mơ-eăm mơnhông rơdêi kơvâ pêi cheăng ‘na kơmăi kơmok on tơhrik, pêi pro tiô pơkâ mơnhông djâ Việt Nam chiâng kơmâ ki kal pơtối dêi pro tung tơdroăng tê rôe on tơhrik tung lâp plâi tơnêi.