A rôh hôp, pôa Phạm Minh Chính - Ngế pro xiâm hnê ngăn tơnêi têa hiăng pơtroh mâu rơkong mơnê ó khât troh Đảng, Tơnêi têa ƀă Kuăn pơlê Lếo tối tơdjuôm xuân môi tiah troh Kăn xiâm pơkuâ hnê ngăn Đảng, Kăn xiâm hnê ngăn tơnêi têa Lếo prế kơdrâi pôa tối krê ‘na hiâm mơno pâ nhuô̆m nhŏng o ăm Đảng, Tơnêi têa ƀă Kuăn pơlê Việt Nam xua tơdroăng ki hía lêk dêi pôa Nguyễn Phú Trọng - Kăn xiâm pơkuâ hnê ngăn Đảng; malối Lếo hiăng tơkŭm po Leh mơdâm péa hâi vâ tơbâ troh pôa Nguyễn Phú Trọng - Kăn xiâm pơkuâ hnê ngăn Đảng, ing mê mơhno tơrŭm cheăng ki tơdrăng môi hiâm mơno, ai môi tơdroăng cheăng phá dêi péa tơnêi.

Ngế pro xiâm hnê ngăn Chin phuh tối nhên, rôh ối rêh nah pôa Nguyễn Phú Trọng - Kăn xiâm pơkuâ hnê ngăn Đảng đi đo tơmâng troh tơdroăng cheăng rak vế, ôh tá la lâi pơtê ‘mâi mơnhông ƀă tơrŭm cheăng tiô khôi hmâ ki tơviah pơla Việt Nam – Lếo; mơnê Kơdrâi kăn xiâm pơkuâ hnê ngăn Đảng, Kăn xiâm hnê ngăn tơnêi têa Lếo hiăng pơtroh kơthô ƀriê khât tung hiâm mơno ăm kơ kơdrâi pôa Nguyễn Phú Trọng - Kăn xiâm pơkuâ hnê ngăn cheăng Đảng.