Pôa Phạm Minh Chính - Ngế pro xiâm hnê ngăn Chin phuh trâm mâ mâu kuăn pơlê Việt Nam a Ấn Độ
Thứ năm, 10:28, 01/08/2024
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxo Kơxê lơ 31/7, a pơlê kong xiâm New Delhi, kong têa Ấn Độ, pôa Phạm Minh Chính - Ngế pro xiâm hnê ngăn tơnêi têa ƀă khu kăn xiâm Việt Nam hiăng trâm kăn ƀô̆, mâu ngế cheăng tung Khu xiâm teăng mâ, mâu kuăn pơlê Việt Nam a Ấn Độ ƀă veăng ai mâ a tíu ki hiăng bro klêi tíu pêi cheăng Kăn teăng mâ.
Teăng mâ Đảng, Tơnêi têa, Ngế pro xiâm hnê ngăn tơnêi têa mơnê ivá ki mơ-eăm, veăng gum dêi mâu kuăn pơlê Việt Nam a kong têa ê, tung mê, ai kuăn pơlê Việt Nam a Ấn Độ tung mâu tơdroăng ki pê pro châ tơƀrê dêi tơnêi têa tung pơla hdrối nah.
Ngế pro xiâm hnê ngăn tơnêi têa tối nhên Đảng, Tơnêi têa đi đo tơmâng ngăn, ngăn nhuô̆m mâu kuăn pơlê Việt Nam a kong têa ê cho môi tơdroăng ki ôh tá chiâng tơklâ dêi kuăn pơlê mâu hdroâng mơngế Việt Nam, pơkâ mâu troăng hơlâ tŏng gum, troăng hơlâ bro tơ’lêi hlâu má môi ăm vâi krâ nhŏng o pêi cheăng, rêh ối, hriâm tâp ƀă veăng gum ăm tơnêi têa.
Viết bình luận