Kơxo lơ 30/11, a Hà Nội, pôa Phạm Minh Chính, Ngế pro xiâm hnê ngăn tơnêi têa pơkuâ po rôh hôp kơphô̆ lâp tơnêi têa hơnăm 2022. Tơpui a rôh hôp, hên mâu kăn hiăng tơpui tơno tơdrăng, mơjiâng bro, hiăng ai hên rơkong tơpui tối trâu hơngế, tơdrăng, pôu râng hnoăng cheăng, mơ-eăm ƀă pơkâ mơ’no mâu tơdroăng ƀă pâ thế hên troăng hơlâ pêi pro tơtro, ai khât ƀă tơƀrê. ‘Na mâu hnoăng cheăng, troăng hơlâ pêi pro ki nhên pôa Phạm Minh Chính mơhno nhên 5 khu hnoăng cheăng, troăng hơlâ tung mê tối nhên: Mơdêk, môi tuăn hlê plĕng ‘na ki xiâm dêi kơphô̆, hnoăng cheăng, tíu pêi cheăng, tơdroăng ki kal dêi kơphô̆ - cho ivá ki kal vâ môi tuăn pêi pro.

Bu ai tơdroăng ki hơ’lêh nếo ‘na tuăn tơmiât, pơkâ kơtăng túa tơmiât pơkâ kơtăng túa tơmiât nhên ‘na kơphô̆ pin nếo chiâng loi tơngah tiah kố ƀă tơdroăng ki khŏm mơ-eăm ƀă veăng tŏng kum kơtăng dêi tâi tâng khu pơkuâ tơdroăng kal kí, rêm râ, mâu kơvâ cheăng ƀă tơdroăng ki môi tuăn dêi mâu kong têa ê, tung la ngiâ, mâu kơphô̆ Việt Nam kô ai tơdroăng mơnhông rơdêi ƀă tơƀrê.