Pôa Phạm Minh Chính hâk kơdeăn ƀă mơnhên tối hneăng lăm pôu má péa troh a Việt nam dêi pôa Jose Ramos-Horta drêng pôa dế to pro kăn xiâm hnê ngăn cho ai pơxúa kân khât, hdró tối troăng prôk ki ton lối 20 hơnăm pơtối tơrŭm tơpui kâ, veăng gum ‘mâi mơnhông tơdroăng ki loi tơngah cheăng kal kí ƀă mơjiâng ivá ki nếo ăm tơrŭm cheăng pơla péa pâ tơnêi têa tung la ngiâ ah.

Péa ngế Kăn xiâm xuân vâ môi tuăn pơkal athế thăm mơdêk tơdroăng cheăng pơkuâ ngăn kơnôm ing trâm mâ, tơpui tơno pơla mâu kăn xiâm, rêm râ pơkuâ cheăng; pơkâ mơ’no pêi pro tơƀrê mnâu tơdroăng kĭ tơkêa tơrŭm cheăng khu kăn xiâm; pơtối thăm mơdêk tơtro tiô túa luât ăm tơdroăng tơrŭm pơla peá pâ; pêi pro châ tơƀrê mâu tơdroăng cheăng ki tơrŭm kân kĕng pơla peá pâ tơnêi têa.

Ngế pro xiâm hnê ngăn Chin phuh pâ thế péa pâ thâ rĕng hdró hâi ki ối xêt dêi tơdroăng tơkêa lơ pơtối kĭ tơkêa mâu Tơdroăng ki chôu vế ‘na Tê mơdró phái, veăng gum rak vế tơniăn ăm kế kâ; mơhnhôk thế Timor Leste thăm rôe tơ’mot hên mâu tơmeăm khoăng dêi Việt Nam ăm i tơtro. Péa pâ xuân tơkêa pơtối mơdêk tơrŭm cheăng krá tơniăn, kring vế lĕm tro ƀă tơ’lêi hlâu ‘na troăng prôk a têa kơxĭ, troăng tơƀai, veăng gum tung pơtối mơdêk tơdroăng pro hơniâp lĕm, krá tơniăn ƀă mơnhông tung kơpong.