Kơxo lơ 15/4, a kong pơlê Bến Tre, pôa Phạm Minh Chính, Ngế pro xiâm hnê ngăn Chin phuh rơtế ƀă mâu khu kăn xiâm, kăn xiâm Đảng, Tơnêi têa hiăng chôu nhang, pleăng reăng tơbâ kơ pôa Huỳnh Tấn Phát. A rôh leh, pôa Phạm Minh Chính - Ngế pro xiâm hnê ngăn tơnêi têa rơtế ƀă mâu kăn hiăng mơhno hiâm mơno nhoăm pâ, hlối mơnê khât kơ pôa Huỳnh Tấn Phát, Kăn hnê ngăn Chin phuh kăch măng ki pơtân dêi Kŏng hòa miền Nam Việt Nam hneăng hdrối, cho Ngế phŏ hnê ngăn Chin phuh hneăng hdrối, Ngế phŏ hnê ngăn Hô̆i đong Khu xiâm, ngế phŏ hnê ngăn Hô̆i đong Tơnêi têa hneăng hdrối, cho Kăn hnê ngăn Khu kăn hnê ngăn dêi Vi ƀan xiâm Măt trâ̆n tơnêi têa Việt Nam hneăng hdrối nah.

Pôa Huỳnh Tấn Phát hiăng ai hnoăng veăng ‘no kân kĭn tung hnoăng mơjiâng kăch măng tơplâ pro tơleăng lĕm hdroâng kuăn ngo, lâp tơnêi têa tơrŭm môi, mơjiâng ƀă kring vế tơnêi têa.