Ngế pro xiâm hnê ngăn tơnêi têa tối nhên, tơdroăng tơ’noăng ƀă hnoăng cheăng khĕn kơdeăn cho ivá rơdêi dêi tơnêi têa mê athế tơkŭm pêi pro tiô tơdroăng kal, pơxúa, tơƀrê, pôi tá tiô pơkâ xo. Ing hơnăm 2021 troh nôkố, Ngế pro xiâm hnê ngăn Chin phuh hiăng tơbleăng 4 tơdroăng tơ’noăng tung lâp tơnêi têa, tơdrêng amê hlối pơtối tơbleăng 3 tơdroăng tơ’noăng.

Hô̆i đong mơnhên tối, mâu tơdroăng tơ’noăng xua Ngế pro xiâm hnê ngăn Chin phuh tơbleăng châ tơbleăng tơdâng tơ’mô. Mơgêi rôh hôp, pôa Phạm Minh Chính, Ngế pro xiâm hnê ngăn Chin phuh mơnhên tối khât ƀă khĕn kơdeăn hiâm mơno pôu râng ƀă veăng kum kơhnâ dêi mâu khu xiâm, kơvâ cheăng, kong pơlê, rêm râ ƀă kuăn pơlê hiăng pêi pro, tơbleăng, tơdroăng tơ’noăng pâ nhuô̆m tơnêi têa ƀă hnoăng cheăng tơ’noăng khĕn kơdeăn cho péa tơdroăng ki kal đi đo hmâ tro ƀă dêi rơpó, cho môi tung mâu ivá tung hiâm mơno dêi hdroâng kuăn ngo, dêi tơnêi têa.