Kơxê hâi lơ 28/5, a pơlê kong kơdrâm Đà Lạt, kong pơlê Lâm Đồng, pôa Phạm Minh Chính, Ngế pro xiâm hnê ngăn Chin phuh pêi cheăng ƀă Khu kăn Đảng kong pơlê Lâm Đồng vâ tối ‘na tơdroăng hiăng pêi châ tơƀrê ‘na mơnhông cheăng kâ pơlê pơla hơnăm 2023, mâu khế apoăng hơnăm 2024 ƀă mâu tơdroăng cheăng vâ pêi tung la ngiâ. Pakĭng mê, mâu tơdroăng pâ thế mơhnhôk nếo tơdroăng mơnhông dêi kong pơlê.

Tung la ngiâ, Ngế pro xiâm hnê ngăn tơnêi têa pơkâ thế, Lâm Đồng thế mơ-eăm khât tâ mê nếo, pơhlêh tơdroăng cheăng thế hlê plĕng, ‘nâi tơchê̆ng tơmiât, tơdroăng pêi, tơdroăng tơkŭm pêi pro tung mê thế ngăn a tơdroăng pơkâ dêi Đảng, Kuô̆k hô̆i, Chin phuh, Pơkâ hneăng hôp Đảng ƀô̆ kong pơlê; xúa, pêi pro tro tiô troăng hơlâ dêi Đảng, luât tơnêi têa ƀă tơdroăng hnê mơhno pơkuâ dêi Chin phuh, Ngế pro xiâm hnê ngăn Chin phuh vâ pêi klêi mâu tơdroăng pơkâ, tơdroăng cheăng ki châ pơcháu hơnăm 2024.