A rôh pêi cheăng, kăn hnê ngăn mâu khu xiâm, kơvâ cheăng ƀă kong pơlê Dak Lak tơpui tơno khê̆n kơdeăn tơdroăng mơnhông cheăng kâ - pơlê pơla dêi kong pơlê ƀă mâu tơdroăng pêi pro, tơpui tơno mơnhên mâu tơdroăng ki kong pơlê pâ thế ƀă Chin phuh, Ngế pro xiâm hnê ngăn Chin Phuh. Mâu kăn rêm khu xiâm, kơvâ cheăng pơkâ thế veăng kum Dak Lak xúa mâu tơdroăng ki tơ’lêi hlâu, mơnhông pêi chiâk deăng krúa, xúa kơmăi ki dâi lĕm, mơnhông túa lĕm tro- ôm hyô rơtế ƀă pơtối râk ki pơxúa  túa lĕm tro ton nah; tơkŭm   mơnhông tơmeăm koăng pro tiô túa nếo; hnê mơngế vâ apêi cheăng.

Ngế pro xiâm hnê ngăn Chin phuh pơkâ thế kong pơlê Dak Lak mơnhông cheăng kâ rêh ối pơlê pơla rơtế ƀă mơjiâng tơdroăng cheăng kal kí krá tơniăn, ‘mâi mơnhông cheăng lêng, pro tơniăn; rơtế tơrŭm krá ƀă kal kí rơdêi, kring tơnoăn; tơrŭm ƀă tơdroăng rak tơniăn hyôh kong prâi, hbrâ ví ƀă hyôh kong prâi hơ’lêh, xo kuăn pơlê pro xiâm, kơdroh kơklêa xăm kơtiê  krá tơniăn ton; ôh tá pơtê mơnhông tơdroăng rêh ối dêi kuăn pơlê ‘na tơmeăm khoăng, túa lĕm tro ƀă tuăn ngôa dêi kuăn pơlê.