Xông tơpui a hneăng hôp, pôa Phạm Minh Chính, Ngế pro xiâm hnê ngăn Chin phuh mơnhên, Tây Nguyên cho kơpong ki vâ pêi cheăng ton xŏn ki má môi ki kal ‘na cheăng kâ, kal kí, tơniăn gâk kring, gâk kring tơnêi têa ƀă kong prâi kuăn kiâ kong, loăng pơlái kong kế dêi tơnêi têa.

Đảng, Tơnêi têa, mâu Kăn xiâm pơkuâ hnê ngăn Đảng ing mâu rơxông đi đo ‘măn tơdroăng ki tơmâng kân, tuăn pâ ki má môi ƀă tơdroăng mơnhông ƀă rak tơniăn dêi Tây Nguyên; hiăng tơbleăng hên pơkâ, mơgêi, achê kố cho Pơkâ kơxô̆ 23 dêi Khu xiâm kal kí ‘na “Troăng pêi la ngiâ mơnhông cheăng kâ – rêh ối pơlê pơla ƀă tơniăn gâk kring tơnêi têa, gâk kring kơpong Tây Nguyên; Tây Nguyên tơkâ hluâ pá puât mơ-eăm xông tơtêk rơtế lâp tơnêi têa”, Ngế pro xiâm hnê ngăn Chin phuh pói vâ ƀă loi tơngah, Đảng ƀô̆, khu râ kăn pơkuâ, khu lêng ƀă kuăn pơlê mâu kong pơlê Tây Nguyên, achê ƀă ivá pêi cheăng rơdêi, ki mơhnhôk nếo tơkâ hluâ pá puât, pơloăng mơnúa, mơjiâng troăng pêi ó rơdêi tâ tung mơnhông cheăng kâ – rêh ối pơlê pơla, mơjiâng xiâm kối pêi pro ƀlêi trâng hnoăng gâk kring, rak tơniăn hâi khế la ngiâ.