Xông tơpui a hneăng hôp, pôa Phạm Minh Chính, Ngế pro xiâm hnê ngăn tơnêi têa pơcháu Khu xiâm pơkâ túa cheăng ƀă Mơ’no liăn cheăng tơrŭm ƀă Ƀơrô Chin phuh ƀă mâu khu xiâm, kong pơlê ki tơdjâk hriăn plĕng, tơmâng tâi tâng mâu rơkong tơpui châ tối, vâ pơtối tơbleăng châ tơƀrê ăm Hô̆i đong pơkuâ kơpong Đông Nam Bộ tung tơdroăng pêi pro Pơkâ kơpong tung la ngiâ.

‘Na mâu hnoăng cheăng tơdjuôm, tơdroăng ki xiâm, Ngế pro xiâm hnê ngăn tơnêi têa pơkâ mâu khu xiâm, kơvâ cheăng, kong pơlê tiô tơdroăng cheăng, hnoăng cheăng, hnoăng chiâng pêi cheăng séa ngăn mâu tơdroăng xiâm, pơkâ pêi sap ing kố troh hơnăm 2024 hiăng pơkâ mơ’no vâ kơtăng mơ-eăm,  khŏm pêi kêi đeăng, gum tung mâu pơkâ pêi mơdêk tơtêk, rak tơniăn cheăng kâ kân, mơdât liăn chu rơpâ yă, tơniăn tơdâng tơ’mô kân.