Phiu ro hlo tơdroăng mơnhông tung tơrŭm cheăng kâ tê mơdró ƀă kơxô̆ liăn pêi lo ing tê mơdró châ lối 7 rơtal USD ƀă mơnhên tối ki ai hlâu tung tơrŭm cheăng pơla péa tơnêi têa ối hên, pôa Phạm Minh Chính, Ngế pro xiâm hnê ngăn tơnêi têa pin pâ tơngah pôa Sabah Khaled Al-Hamad Al-Sabah, pâ tơngah Kuăn pơtáu Sheikh tơmâng ngăn hnê mơhno mơdêk tơrŭm cheăng tung mâu kơvâ cheăng kâ – tê mơdró – ‘no liăn cheăng, on tơhrik – têa châu têa kơxăng, cheăng lêng – gâk kring, khoa hok kong ngê̆, pơhlêh nếo tơmiât pêi rơkê, pơhlêh kơxô̆, pêi cheăng ƀă hnê hriâm-hnê cheăng pêi.

A rôh pôu Ngế pro xiâm hnê ngăn kong têa Kuwait hneăng hdrối, pôa Phạm Minh Chính, Ngế pro xiâm hnê ngăn tơnêi têa tối rơdêi, ƀă ivá ƀă tíu ối nếo, Việt Nam hbrâ rơnáu cho kong têa tơrŭm loi khât ƀă krá ton tung la ngiâ hên kơvâ cheăng kâ dêi Kuwait, malối cho tung mâu kơvâ cheăng on tơhrik, kơmăi kơmok, tê mơdró tơmeăm, ‘no liăn cheăng ƀă liăn ngân.