Teăng mâ kăn xiâm Đảng, Tơnêi têa, Ngế pro xiâm hnê ngăn tơnêi têa pơtroh ăm mâu thái cô, mâu vâi o hok tro hngêi trung râ má péa Nguyễn Đình Chiểu tối krê ƀă tâi tâng mâu thái cô, mâu vâi o hok tro tung lâp tơnêi têa tối tơdjuôm rơkong koh hmât, rơkong kơ-êng ƀă rơkong rơkâu ki lĕm má môi.

Rơkâu hơnăm hriâm nếo 2024- 2025 dêi tâi tâng thái cô ƀă hok tro tung lâp tơnêi têa ai tơ’nôm hên tơdroăng ki hơniâp ro, pê klêi tơƀrê hên tâ hơnăm hdrối. Ngế pro xiâm hnê ngăn tơnêi têa hâk mơnê Hngêi trung, mâu thái cô, mâu nôu pâ, malối cho mâu vâi o hok tro dêi hngêi trung râ má pái phôh thông Nguyễn Đình Chiểu.

Mâu vâi o cho mâu ngế ki djâ troăng bâ eăng dêi tơdroăng mơ-eăm tơkâ luâ pá puât ƀă kơdroh ki tơvâ tơvân ‘na châ vâ pêi pro klêi mâu hnoăng tơxâng hâk tơngăm, ôh tá la lâi pơtê pơ-eăng inâi hngêi trung xo inâi dêi ngế ki rơkê pôa Nguyễn Đình Chiểu.