Kơxê lơ 11/11, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa tơdah pôa Phosay Sayasone - Ngế xiâm pơkuâ Cheăng pêi ƀă Gum pơlê pơla kong têa Lếo. Ngế pro xiâm hnê ngăn tơnêi têa tối phiu ro hdrối mâu tơdroăng tơrŭm ki má môi Việt Nam – Lếo pơtối mơnhông trâu hơngế, krá tơniăn tung pơla kơpong ƀă lâp plâi tơnêi ai hên tơdroăng ki ôh tá tơniăn.

Ngế pro xiâm hnê ngăn tơnêi têa mơnhên Việt Nam kô đi đo rơtế, tŏng gum hên tung ivá vâ rơtế Lếo mơdêk tơniăn ƀă mơnhông krá tơniăn.

A roh tơdah, Ngế pro xiâm hnê ngăn tơnêi têa pơkâ thế péa Khu xiâm thăm tơrŭm, tơkŭm hriăn plĕng mơjiâng troăng prôk la ngiâ tơrŭm nếo tung kơvâ pêi cheăng ƀă ngế ki ai hnoăng, tơtro ƀă tơdroăng nôkố. Ing mê, péa pâ kô kĭ môi tuăn tơrŭm cheăng vâ po rơdâ tơdroăng xiâm tơrŭm, mơdêk tối ăm dêi pó tơdroăng nếo, túa ki rơkê tơtro pơkuâ ƀă tơpui troăng hơlâ tơnêi têa.