Pôa Phạm Minh Chính - Ngế pro xiâm hnê ngăn tơnêi têa tối nhên Việt Nam vâ pêi pro tiô luât pơkâ tơpui kâ tơniăn krê, pơkuâ pêi dêi, hên troăng hơlâ, hên túa pêi ki nếo, cho pú, cho khu tơrŭm cheăng loi nhuô̆m khât dêi rơpó, cho tung khu ai hnoăng pêi kơhnâ khât dêi mâu kong têa tung lâp plâi tơnêi xua tơdroăng vâ pro hơniâp lĕm, tơrŭm xông tơƀrê a kơpong ƀă tung lâp plâi tơnêi; ngăn nhoăm ƀă púi vâ rơtế ƀă Nhuk  tơbleăng pêi tơƀrê mâu tơdroăng tơrŭm cheăng tung tŭm tơdroăng xua hơniâp lĕm tơniăn ƀă kro mơdrŏng a châu Á ƀă tung lâp plâi tơnêi.

A rôh trâm mâ, péa pâ hiăng tơpui tơdroăng tung lâp plâi tơnêi ƀă tung kơpong. Péa pâ tối nhên ki kal dêi tơdroăng kring tơniăn, pro tơniăn lĕm a troăng tơƀai, troăng têa a Biển Đông, tơleăng mơnhên klêi tŭm tơdroăng ki tơbriât dêi rơpó ƀă troăng rơhlâ pro pơlĕm dêi rơpó pêi pro tro tiô luât pơkâ dêi Lâp plâi tơnêi, malối Luât Khu lâp kong têa ƀă Luât kĭ tơhrâ dêi Khu lâp kong têa ‘na Luât têa kơxĭ (UNCLOS) hơnăm 1982.