A rôh trâm, pôa Phạm Minh Chính, Ngế pro xiâm hnê ngăn Chin phuh ăm ‘nâi, tung rôh lăm pôu kố, péa tơnêi têa kô môi tuăn mơdêk tơrŭm cheăng pơla péa pâ tâk troh môi troăng ngăn ki nếo; nôkố, Kuwait dế ‘no liăn cheăng a Hngêi kơmăi hrik chuâ Kơhleăng têa châu Nghi Sơn ai tâi tâng liăn ‘no 9 rơtal USD ƀă tơhrâ tê têa châu tá hâi kơhleăng ton ăm Hngêi kơmăi.

Tơdroăng tơkêa pơxiâm mot pêi cheăng mơ’nui hơnăm 2018 cho môi tung mâu tơdroăng tơkêa ‘no liăn cheăng ing kong têa ê hên má môi a Việt Nam, rêm hơnăm tê dâng 5 troh 7 rơtuh tâ̆n têa châu têa kơxăng ăm mâu tíu tê tung tơnêi têa, gum hên tung tơdroăng rak vế tŭm têa châu têa kơxăng ăm Việt Nam, tê têa châu ăm hên kơvâ mơjiâng pro tung tơnêi têa.

Tơdjâk troh kuăn pơlê Việt Nam a kong têa ê, Ngế pro xiâm hnê ngăn tơnêi têa rơhêng vâ vâi krâ nhŏng o đi đo mo sêi, hơniâp, đi đo tơrŭm, veăng gum dêi pó, đi đo tơmiât troh pơlê xiâm, tơnêi têa.