Tung hâi lơ 31/7, Ngế pro xiâm hnê ngăn tơnêi têa pêi cheăng ƀă mâu grup pơkuâ, khu tê mơdró kân tung kơvâ pơkeăng, têa châu têa kơxăng dêi Ấn Độ; veăng ƀă xông tơpui a Hneăng hôp tơpui tơno Khu tê mơdró Việt Nam - Ấn Độ, veăng leh phiu ro hiăng mơjiâng pro kêi đeăng Tíu pêi cheăng Kơ koan teăng mâ Việt Nam a Ấn Độ ƀă lăm pôu, tơpui tơno ƀă kăn ƀô̆, mâu ngế pêi cheăng Kơ koan teăng mâ, pơlê pơla mơngế Việt nam dế rêh ối a kong têa kố.

Kơxo lơ 1/8, pôa Narendra Modi,  Ngế pro xiâm hnê ngăn kong têa Ấn Độ kô pơkuâ leh tơdah ƀă tơpui tơno ƀă pôa Phạm Minh Chính, Ngế pro xiâm hnê ngăn tơnêi têa, ƀă pôa Phạm Minh Chính kô ai mâu roh trâm mâ tơpui tơno ƀă khu râ kăn xiâm dêi Ấn Độ. Roh lăm pôu pêi cheăng kố dêi Ngế pro xiâm hnê ngăn Chin phuh cho kal khât, vâ mơnhên troăng hơlâ môi tuăn sap apoăng troh tá tui lui dêi Việt Nam nhuô̆m tơrŭm cheăng nhŏng o tiô khôi vâi krâ nah ƀă Khu tơrŭm cheăng Ton xŏn tâi tâng ƀă Ấn Độ, gum thăm rak krá tơrŭm cheăng pơla Khu râ kăn pơkuâ péa tơnêi têa, ki má lối cho pơla péa Ngế pro xiâm hnê ngăn tơnêi têa.