Xông tơpui a hneăng hôp, pôa Phạm Minh Chính, Ngế pro xiâm hnê ngăn tơnêi têa tối nhên, Hneăng hôp kố thăm rế kơnâ drêng tơkŭm po tung pơla lâp tơnêi têa dế mot a hneăng tơtêk rĕng, mơ-eăm pêi kêi đeăng pơkâ 5 hơnăm 2021 – 2025, tơmiât la ngiâ mâu pơkâ pêi ton xŏn mơnhông troh hơnăm 2030, tơmiât pêi troh hơnăm 2045.

Tơdrêng amê, xuân tro drêng 20 hơnăm pêi pro Pơkâ 36 dêi Khu xiâm kal kí ‘na tơdroăng pêi cheăng mơngế Việt Nam a kong têa ê – môi tơdroăng hdró ki kal tung tơdroăng pêi cheăng kố ƀă tơdroăng rŭm môi tuăn tâi tâng hdroâng mơngế. Kố cho roh châ trâm dêi pó klêi kơ’nâi môi pơla hơngế dêi pó vâ pin rơtế tơpui tơno mâu tơdroăng ki kal, păng ‘nâng ‘na tơdroăng mơnhông dêi tơnêi têa tung mâu hơnăm la ngiâ, ƀă tơmâng mâu tơdroăng tơmiât, pói vâ, tăng troăng veăng gum ki kơnâ dêi kuăn pơlê mơngế Việt Nam a kong têa ê.