Hâi lơ 14/12, a Bruxelles, kong têa Ƀih, pôa Phạm Minh Chính, Ngế pro xiâm hnê ngăn tơnêi têa têa hiăng rơtế ƀă mâu kăn ASEAN ƀă EU veăng hôp khu râ kăn xiâm trh leh tơbâ 45 hơnăm tơrŭm cheăng ASEAN - EU. Luâ 45 hơnăm, tơrŭm cheăng ASEAN - EU tơbleăng pêi hên tơdroăng châ tơƀrê. Hơnăm 2021, ASEAN cho mâu kong têa tơrŭm tê mơdró pa kĭng châu Âu kân má 3 dêi EU, tung EU cho khu tơrŭm cheăng tê mơdró kân má 3 dêi ASEAN ƀă tâi tâng tơmeăm ki tê mơdró péa pâ châ 268,9 rơtal liăn. Pakĭng mê, EU cho khu ‘no liăn cheăng tơdrêng ƀă kong têa ki kân má 2 dêi ASEAN ƀă tâi tâng kơxô̆ liăn châ 6,5 rơtal dollars.

Tung la ngiâ, péa pâ kô môi tuăn kal pro trâu rơdâ tâ nếo tơdroăng tơrŭm cheăng tung mơjiâng hơnăm 2020, ing mê, cho xiâm pêi pro to luât lâp plâi tơnêi, tơrŭm cheăng ôh tá pơrah dêi rơpó ƀă rơtế ai pơxúa. Pôa Phạm Minh Chính, Ngế pro xiâm hnê ngăn tơnêi têa mơdêk ki pơxúa kal dêi Hneăng hôp mâu kăn leh tơbâ rôh kố, hdró 45 hơnăm tơrŭm cheăng pơla péa pâ tơkŭm po ‘na tơdroăng ki hiăng  pêi pro blêi trâng tung lâp plâi tơnêi. Ngế pro xiâm hnê ngăn tối mâu hnoăng ki mê hiăng pro xiâm  ƀă dé pơtối mơnhông mơdêk tơrŭm krá.