Xông tơpui a tíu po, pôa Phạm Minh Chính, Ngế pro xiâm hnê ngăn Chin phuh tối nhên tung tơdroăng hbrâ mơ’no liăn cheăng ƀă kơxô̆ liăn, Chin phuh, Ngế pro xiâm hnê ngăn Chin phuh hnê mơhno inhên, kơtăng ƀă pơkâ mâu khu xiâm, kơvâ cheăng pêi cheăng plâ măng, tá hâi pơtê, hâi leh vâ tá hâi châ 5 khế sap ing tơbleăng roh apoăng, troăng hơlâ mơ’no liăn dêi 4 tơdroăng tơkêa bro hên tơmeăm bro hiăng châ kĭ ăm pêi pro.

Ngế pro xiâm hnê ngăn tơnêi têa pơkâ mâu khu râ kăn pơkuâ 9 kong pơlê ai tơdroăng tơkêa bro ki pêi pro tơrŭm ƀă khu mơ’no liăn cheăng pơtối tơmâng, tŏng gum vâ tơniăn, đi đo pơhlêh, mơdêk tơdroăng rêh ối kuăn pơlê tro tơdjâk tung kơpong tơdroăng tơkêa bro ki pêi pro tiô tro hiêm mơno tíu ối nếo thế ki vâ iâ tơ’mô ƀă thế lĕm tâ tíu ối ton./.