Tơdroăng tơkêa bro cho tơmeăm khoăng ‘na pro tơniăn - cheăng lêng, vâ pơxúa tơƀrê tơdroăng cheăng pơkuâ ngăn, hnê pêi pro dêi mâu lêng kŏng an kuăn pơlê.

Tơdroăng tơkêa bro kân, ai tíu ki rơdêi pơkâ vê hdró krê, mơhno ki rơkê, tiô túa nếo dêi mâu lêng Kŏng an kuăn pơlê tối tơdjuôm, mâu lêng kăn sat cơ đŏng tối krê. Malối cho tơmeăm khoăng ai pơxúa ton nah, pêi pro tiô Pơkâ kơxô̆ 12 dêi Khu xiâm kal kí, hdró ki mơnhông djâ mâu lêng Kăn sát cơ đŏng pêi pro tiô túa rơkê nếo.

Tơbleăng a rôh leh, pôa Phạm Minh Chính - Ngế pro xiâm hnê ngăn tơnêi têa tối nhên, Kŏng an kuăn pơlê ƀă mâu lêng ki xiâm tung pêi pro tơdroăng nếo nôkố ‘na kring tơniăn tơnêi têa, rak tơniăn pơlê pơla. Tung tơdroăng rêh ối nếo, mơjiâng tơraih tơƀai Gia Bình  cho môi pâ tiô tơdroăng pơkâ mơjiâng dêi khu lêng kŏng an rơkê, tiô túa nếo thế mơjiâng tơraih tơƀai Gia Bình tiô troăng hơlâ  xúa.

Ngế pro xiâm hnê ngăn tơnêi têa pơkâ thế Khu xiâm Kŏng an pêi pro ƀă tơdroăng 3 má môi; pro rĕng, pro lĕm krá, yă rơpâ má môi pro tung pơla 18 khế hiăng klêi.