Tơpui mơgêi rôh hôp, Ngế pro xiâm hnê ngăn tơnêi têa tối nhên, tung pơla hdrối nah, tơdroăng tung lâp plâi tơnêi, tung kơpong ƀă tung tơnêi têa hlo ôh tá tơniăn; xua pơreăng kân COVID-19; tơdroăng kong prâi pro hơ’lêh, tơdroăng ‘na kong mêi khía mơhot têa kân lân lu rế hía rế hlo ôh tá tơniăn, pro tơ’nhiê hên troh châ chăn mơngế ƀă kế tơmeăm; cheăng kâ rêh ối pơlê pơla tung tơnêi têa trâm hên xơpá xua tơdjâk sap ing pa kong; hlo trâm hên tơdroăng ki pơloăng mơnúa ƀă hnoăng cheăng hbrâ mơdât.

Vâ pêi klêi hnoăng cheăng hơnăm 2023 ƀă tung la ngiâ, Ngế pro xiâm hnê ngăn Chin phuh pơkâ thế mâu ngế cheăng tung Khu hnê mơhno rêm râ pơtối pơkâ kơtăng, tơbleăng pêi pro châ tơƀrê mâu troăng hơlâ pơkâ dêi Đảng, Tơnêi têa, tung mê ai tơdroăng pơkâ 22 dêi Khu xiâm pơkuâ tơdroăng kal kí ƀă Tơdroăng pêi pro dêi Chin phuh ‘na hbrâ mơdât mâu tơdroăng vâ rak tơniăn ki rơkê ƀă tơƀrê.