Xông tơpui a roh trâm mâ, Đăi tươ̆ng Phan Văn Giang kheăn kơdeăn mâu tơdroăng veăng gum dêi Kơ koan teăng mâ tung mơdêk tơrŭm cheăng Việt Nam – Rusi; tơdrêng amê mơnê tơdroăng tơmâng tŏng kum, tơrŭm krá tơniăn dêi Khu xiâm tơpui kâ tối tơdjuôm, Kăn teăng mâ Việt Nam a Rusi tối krê, tung mê, ai hnoăng dêi kăn Teăng mâ tung pro rak krá tơniăn, thăm mơdêk tơrŭm gâk kring tơnêi têa pơla péa pâ.

Đăi tươ̆ng Phan Văn Giang tối nhên, tiô tơdroăng tơrŭm nhŏng o tiô khôi vâi krâ nah lĕm tro, khu tơrŭm cheăng ton xŏn tŭm têk pơla péa tơnêi têa, tơrŭm cheăng gâk kring tơnêi têa Việt Nam – Rusi pơtối châ pêi pro châ tơƀrê tiô hiâm mơno ‘’loi tơngah, kal păng ‘nâng, châ tơƀrê, tâi tâng’’, tung tâi tâng mâu kơvâ cheăng ki kal; tơrŭm cheăng cheăng lêng; tơrŭm a mâu troăng pơkâ pêi, hneăng hôp tơpui tơno pơla péa pâ ‘na cheăng lêng’’.