Tơpui tơno ‘na tơdroăng vâ tơrŭm pêi cheăng kân tâ tung la ngiâ, péa pâ vâ môi tuăn mơnhông tơpui tơno, trâm mâ tơrá mâu kăn ƀă rêm râ; tơbleăng pêi tơƀrê tơdroăng kĭ tơhrâ ‘na tơrŭm cheăng kâ ƀă kih thuât, mơhnhôk rĕng tơkŭm po hôp apoăng dêi Vi ƀan tơrŭm cheăng pơla Việt Nam - Timor Leste râ Ngế xiâm tơpui kâ; tăng ‘nâi plĕng, pêi mâu tơdroăng mơjiâng mâu luât pơla péa pâ nếo, tơtro ƀă tơdroăng púi vâ tơrŭm cheăng pơla péa tơnêi têa.

Kăn xiâm hnê ngăn tơnêi têa tối Việt Nam vâ pơtối gum phái, veăng kum Timor - Leste tơniăn kế kâ; pơkâ thế péa pâ pơkâ kĭ mâu hlá mơ-éa chôu pâ ‘na tơdroăng tê phái; mơhnhôk Timor - Leste mơdêk tê mâu kế tơmeăm ki dâi lĕm dêi Việt Nam môi tiah tơmeăm pơchoh hmân ếo, chêng khŏng, têa ôu, têa tôu ro, kế kâ pơliê pro, tơmeăm pêi lo ing chiâk deăng, ká xi xŏng...