Xông tơpui roh pêi cheăng, pôa Tô Lâm - Kăn xiâm hnê ngăn tơnêi têa kheăn kơdeăn Khu xiâm pơkuâ kăn ƀô̆ hiăng teăm ai mâu tơdroăng pêi tơdrêng tung riân, tơbleăng mơnhên hneăng tơ’noăng, kheăn kơdeăn, xua mê hiăng pơkâ hên hnoăng cheăng ƀă tơdroăng tơ’noăng, kheăn kơdeăn. Kăn xiâm hnê ngăn tơnêi têa mơnhên, tơnêi têa rế hía rế mơnhông mơdêk, tơdroăng châ tơƀrê rế hên. Xua mê, tơdroăng tơ’noăng kheăn kơdeăn kal châ vêh séa ngăn ƀă tơdroăng nôkố.

Tiô Kăn xiâm hnê ngăn tơnêi têa, ƀă mâu pơkâ hiăng ai laga tung tơdroăng pêi pro ối tơvâ tơvân mê kal tah lôi, pơhlêh, tơ’nôm teăm tơdrêng. Tơdrêng amê pơchân tối tơdroăng tơ’noăng kheăn kơdeăn kal pêi pro ƀă tơdroăng séa ngăn, mơhnhôk; kheăn kơdeăn teăm tơdrêng mâu troăng pêi rơkê, ngế djâ troăng ki lĕm, pêi tơdroăng ki lĕm, kheăn kơdeăn tro mơngế, tro tơdroăng cheăng.