Tiô rơkong krếo thế dêi pôa Tô Lâm - Kăn xiâm hnê ngăn tơnêi têa, pôa José Ramos-Horta - Kăn xiâm pơkuâ kong têa Kŏng hoa Yân chuh   Timor-Leste hiăng troh a pơlê kong xiâm Hà Nội, pơxiâm pôu râ Kăn Tơnêi têa troh Việt Nam sap hâi lơ 31/7 troh hâi lơ 3/8/2024.  Kơxo hâi lơ 1/8, a  tíu pêi cheăng xiâm dêi Kăn xiâm hnê ngăn tơnêi tea, pôa Tô Lâm Kăn xiâm hnê ngăn tơnêi têa hiăng pơkuâ po Leh tơdah Kăn xiâm pơkuâ kong têa Kŏng hòa Timor Leste lăm pôu râ xiâm Tơnêi têa troh Việt Nam.

Hneăng lăm pôu râ Kăn xiâm tơnêi têa troh Việt Nam dêi Kăn xiâm pơkuâ kong têa Timor Leste ai pơxúa kân veăng ‘no hnoăng mơnhông loi nhoăm kal kí, hlối cho rôh vâ péa pâ pơtối tơpui tơno ‘na mâu troăng mơdêk tơrŭm cheăng, po trâu rơdâ tơ’nôm tơrŭm cheăng péa pâ, ing mê thăm tơrŭm tiô hmâ sap ton nah hiăng hmâ tung plâ mâu hơnăm hdrối nah.

Klêi Leh tơdah, péa ngế kăn xiâm pơkuâ Khu kăn xiâm péa tơnêi têa hôp, tối ‘na mâu tơdroăng hiăng pêi pro tung tơrŭm cheăng pơla péa tơnêi têa tung mâu hơnăm hdrối mê hía nah pơkâ mâu tơdroăng vâ tơrŭm pêi tung mâu hơnăm la ngiâ. Péa ngế kăn rơtế ngăn hlo leh kĭ tơhrâ tung mâu hlá mơ-éa tơrŭm cheăng pơla péa tơnêi têa.