Tơpui hnê mơhno a Rôh hôp, Kăn xiâm hnê ngăn tơnêi têa tối nhên, hơ’lêh luât cho môi tung mâu tơdroăng ki kal tung troăng hơlâ hơ’lêh nếo dêi Đảng, vâ veăng kum mơjiâng ƀă bro klêi Tơnêi têa luât pơkuâ Xah hô̆i chuh ngiah Vệt Nam, rak tơniăn pêi pro túa tơmiât pơkâ hnoăng dêi Tơnêi têa cho môi tuăn, ai tơdroăng xoăng nhên, tơrŭm krá, hbrâ mơdât tơƀrê pơla kơ koan tơnêi têa tung tơdroăng pêi pro mâu hnoăng mơjiâng luât, luât pơkâ ƀă tơdroăng luât, rak vế tơtro, hnoăng kuăn mơngế, pơxúa dêi Tơnêi têa, khu tơrŭm ƀă ngế krê.

Tung pơla mê, hnoăng cheăng Luât ƀă hơ’lêh Luât kal pơtối châ mơdêk, ƀă khŏm mơ-eăm khât ‘na tơdroăng kal kí, ai troăng tơmiât tơtro, mơdêk pơlê pơla, mơ-eăm, troăng tơmiât hiăng châ mơnhên vâ pêi pro châ tơdroăng ki tro tâ tung tơdroăng pơkâ thế, pâ thế dêi tung tơdroăng nếo.