A rôh tơdah, pôa Blinken, Ngế xiâm tơpui kâ kong têa Mih tối mơjo ó khât ‘na tơdroăng ki prôk lêk lôi dêi môi ngế kăn xiâm pơkuâ ai troăng ngăn tung la ngiâ ƀă mơnê mâu tơdroăng ki veăng gum dêi Kăn xiâm pơkuâ hnê ngăn Đảng tung tơdroăng ki ‘mâi mơnhông ƀă tơbêng tơrŭm cheăng Việt Nam – Mih ƀă tơrŭm tơroâ pơla kuăn pơlê péa tơnêi têa.

Kăn xiâm hnê ngăn tơnêi têa mơnê pôa Blinken hiăng lăm pôu Việt Nam vâ veăng sĭng khéa rơtế ƀă rơpŏng hngêi Kăn xiâm pơkuâ hnê ngăn Đảng tung tơdroăng ki châi heăng kố. Pôa Blinken, Ngế xiâm tơpui kâ tối nhên Mih ngăn nhuô̆m tơrŭm cheăng tung la ngiâ tŭm têk ƀă Việt Nam ƀă rơhêng vâ péa pâ tơrŭm krá tơniăn vâ bro trâu hngế tâ nếo tơrŭm cheăng pơla péa pâ, tơdrêng amê hlối loi tiah kố péa pâ kô pơtối mơdêk ƀă rơtế tơbêng vâ tơrŭm cheăng Việt Nam – Mih rế hía rế mơnhông, tơrŭm tơroâ pơla kuăn pơlê péa tơnêi têa rế hía rế châ mơdêk tro tiô tơdroăng ki púi vâ dêi pôa Nguyễn Phú Trọng - Kăn xiâm pơkuâ hnê ngăn Đảng.