Kăn xiâm hnê ngăn tơnêi têa tối, EU cho khu kong têa tơrŭm ki kal dêi Việt Nam; môi tuăn hlo tơdroăng tơrŭm cheăng pơla Việt Nam ƀă EU tung mâu hơnăm hdrối mơnhông tơƀrê, mơhno ing tơrŭm cheăng péa pâ mơdêk tơpui tơno tung tŭm tơdroăng ƀă khu kăn, trâm mâ mâu kăn xiâm; tơbleăng pêi tơƀrê hên tơdroăng tơhrâ ƀă luât tơrŭm cheăng, tơpui kâ.

Kăn xiâm hnê ngăn tơnêi têa pơkâ thế péa pâ pơtối mơdêk rơdêi tơpui tơno tâi tâng khu, malối cho khu kăn xiâm; tơbleăng pêi tơƀrê tơdroăng kĭ tơhrâ tơrŭm cheăng tung tŭm tơdroăng pơla Việt Nam - EU, Kĭ tơhrâ EVFTA xuân môi tiah mâu tơdroăng tơhrâ, luât pơkâ tơrŭm cheăng ki ê.

Kăn xiâm hnê ngăn EU mơdêk mâu kong têa tung khu ki u ối rĕng kĭ tơhrâ kring vế tơniăn tung ‘no liăn cheăng a Việt Nam - EU; pơtối rak vế ODA ăm Việt Nam; mơdêk tơrŭm cheăng ‘na kring tơniăn măng, kring tơniăn a têa kơxĭ, hbrâ mơdât xía vâ kong prâi pro ôh tá tơniăn.