Pôa Tô Lâm - Kăn xiâm hnê ngăn tơnêi têa mơnê Khu xiâm pơkuâ Tơnêi têa, Tơnêi têa, Kuô̆k hô̆i, Chin phuh ƀă Măt trâ̆n Lếo mơjiâng tơnêi têa hiăng pơtroh mơ-éa chêh tiô troăng măng hơlêm tơdroăng pôa Nguyễn Phú Trọng - Kăn xiâm pơkuâ hnê ngăn Đảng kơtê i hiâm, vâ mơdâm 2 hâi ƀă ki rơhêng vâ tối hiăng pơtroh khu râ kăn xiâm xua Kăn xiâm pơkuâ hnê ngăn Đảng, Kăn xiâm hnê ngăn kong têa Lếo pơkuâ djâ troh veăng leh mơdâm, mơhno tơdroăng tuăn pâ nhŏng o trâu hơngế, tơrŭm achê dêi pó, môi hiâm mơno, rơtế dêi pó, kum dêi pó drêng pá puât, niân nok pơla péa Đảng, péa tơnêi têa ƀă kuăn pơlê.

Pôa Tô Lâm mơnhên mơhé pôu râng hnoăng cheăng ki lâi, pôa Nguyễn Phú Trọng - Kăn xiâm pơkuâ hnê ngăn Đảng xuân đi đo nhuô̆m má môi, ăm tơdroăng ki tơmâng má môi, rŭm ƀă kăch măng Lếo, achê, xah ƀă pêi cheăng ƀă dêi pó ƀă khu râ kăn pơkuâ kong têa Lếo, tung mê ai krê pôa Thongloun Sisoulith, đi đo rak ngăn ƀă tơbêng ăm tơrŭm môi tuăn ki má môi, tơrŭm cheăng tâi tâng Việt Nam – Lếo xuân môi tiah tơrŭm achê, rŭm môi tuăn pơla pái Đảng, pái tơnêi têa ƀă kuăn pơlê pái tơnêi têa Việt nam – Lếo – Kul, ngăn kố cho tơdroăng ki ôh tá tơdjâk pa gong, tơdroăng ki rêh ối, tơdroăng ki kal má môi ƀă gâk kring tơniăn, mơnhông dêi rêm tơnêi têa.