Bêng Cửa Đông ai lối 2 rơpâu rơpŏng kuăn pơlê ƀă lối 10 rơpâu pơ’leăng mâ mơngế, ai 7 tôh kơphô̆. Tung bêng ai hên kơxô̆ mơngế. Lâp tung bêng ai lối 400 kơ koan, khu mơdró, đông lêng  ƀă mâu tíu mơdró kâ. Tơdroăng kố pơkâ pơloăng mơnúa ăm kơ koan rak ngăn ‘na tơdroăng vâ rak tơniăn, pơlê pơla tung lâp bêng. Mâu hơnăm hdrối, Khu hnê mơhno mơjiâng tơdroăng mơhnhôk tâi tâng kuăn pơlê kring vế tơniăn bêng pơtối tơbleăng túa pêi cheăng, mâu tơdroăng kal pêi tung tơdroăng tâi tâng kuăn pơlê kring vế tơnei têa mê cho kâu lăk ƀô̆ hbrâ, mơdât mâu ngế ai xôi, tơdroăng kal: Rơpŏng hbrâ mơdât - Kơxô̆ hngêi rak ngăn”...

Mơhnhôk tăñg khu râ kuăn pơlê veăng tơplâ hbrâ mơdât, tối ăm mâu râ kơpêng ‘nâi mâu ki ‘mêi ai xôi, veăng pro kơdroh khu ki ai xôi, rak tơniăn kal kí cheăm bêng pơlê pơla.  Tơbleăng a hâi leh, pôa Tô Lâm - Kăn xiâm hnê ngăn tơnêi têa pơkâ thế râ ủy, mâu kăn rêm râ dêi Pơlê kong kân Hà Nội kal pơtối hnê pêi kơtăng, tơƀrê mâu troăng rơhlâ, hnê mơhno ‘na tơdroăng mơhnhôk tâi tâng kuăn pơlê kring tơniăn Tơnêi têa ƀă tơkŭm po “Hâi tâi tâng kuăn pơlê kring tơniăn Tơnêi têa’’; kal rơtế tơrŭm krá pơla tơdroăng mơhnhôk tâi tâng kuăn pơlê kring tơniăn Tơnêi têa ƀă mơhnhôk tơ’noăng xua Đảng, Tơnêi têa, mâu kơ koan, tíu pêi cheăng, Măt trâ̆n Tơnêi têa ƀă  khu râ, khu tơrŭm cheăng mơhnhôk, tơbleăng troh lâp lu tung tơdroăng rêh ối dêi kuăn pơlê.