Tơpui mơgêi rôh pêi cheăng, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tối nhên tíu ối hnoăng cheăng ki kal dêi Ƀơrô cheăng Kăn xiâm hnê ngăn tơnêi têa tung tơdroăng tí tăng ‘nâi plĕng gum ăm cheăng ăm mâu kăn xiâm hnê ngăn ƀă Phŏ Kăn xiâm hnê ngăn tơnêi têa, hlối mơnhên tối tơdroăng cheăng dêi Ƀơrô cheăng tung la ngâ ki tơƀrê dêi hnoăng cheăng tí tăng ‘nâi plĕng rế hía rế châ pơhlêh apoăng pêi châ tiô tơdroăng rơhêng vâ dêi tơdroăng cheăng châ pơcháu, mơhno hiâm mơno pôu râng ƀă tơniăn lĕm dêi Ƀơrô cheăng.

Tối nhên pơkâ thế rế hía rế kơtăng tung tơdroăng nếo, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkâ thế Ƀơrô cheăng Kăn xiâm hnê ngăn tơnêi têa tơkŭm pêi pro 8 tơdroăng cheăng ki kal, tung mê, Ƀơrô cheăng kal pơtối mơdêk ki rơkê plĕng tung tí tăng ‘nâi plĕng, klâ xoăng nhên ăm rêm kơvâ cheăng, hiâm mơno cho rĕng krá tro pôi tá ăm ôh tá tro, tro hnoăng cheăng, tơƀrê.