Tơpui a rôh leh, pôa Tô Lâm, Kăn xiâm pơkuâ hnê ngăn cheăng Đảng tối rơdêi, tíu lâi ai cheăng séa ngăn, tíu mê cho kơtăng châ mơjiâng, tơdroăng loi châ ‘mâi mơnhông, luât châ nhuô̆m. Mê cho tơdroăng hâk tơngăm dêi 80 hơnăm – 80 hơnăm tối rơdêi ivá khên tơnôu, tuăn ngoâ rơkê, tơdroăng ki tơkŭm, tơdroăng ki ‘nâi mơnê dêi khu kăn ƀô̆ séa ngăn ƀă Đảng, Tơnêi têa ƀă Kuăn pơlê.

Kăn xiâm pơkuâ hnê ngăn cheăng Đảng tối nhên, khu séa ngăn nôkố ôh ti xê cho tơmeăm ki châ hlo tơdroăng xôi, mê ối cho tơdroăng ki pro ki tơdrăng, mơdêk pơhlêh nếo, rak vế ki tơniăn ƀă tơdroăng loi dêi pơlê pơla. Ƀă troăng ngăn mê, Kăn xiâm pơkuâ hnê ngăn cheăng Đảng tối nhên, kơvâ cheăng Séa ngăn kal pơtối pơhlêh nếo tâi tâng, rơkê rơdêi, tro ƀă cheăng séa ngăn ƀă tơdroăng pơlê mơjiâng, pơkâ chêng kuăn pơlê tung tíu xiâm dêi mâu tơdroăng cheăng, tơmiât troh mơjiâng môi tíu pêi cheăng tơdrăng lĕm, tơƀrê, xua kuăn pơlê, vâ gum kuăn pơlê.