Nhoăm diâp Mê dai Pêi cheăng ối má Môi ăm Khu ngăn vâi Kơdrâi Việt Nam, pôa Tô Lâm - Kăn xiâm pơkuâ hnê ngăn Đảng tối vâi kơdrâi Việt Nam đi đo cho tíu ki kơnôm dêi rơpŏng hngêi, cho tíu ki krá kak, cho xiâm khên tơnôu, cho xiâm ki djâ tơrŭm ƀă lĕm tro tung kuăn pơlê.

Tối tiah kố, Hneăng hôp Tơ’noăng pâ tơnêi têa  rôh má 5 dêi Khu ngăn vâi Kơdrâi cho rôh ki kal vâ tối mơgêi tơdroăng cheăng, pơ-eăng ƀă po troăng tơ’noăng ki nếo - ai pơxúa, tơƀrê, tơbleăng troh lâp lu, hlối púi vâ Khu “Tơvó môi tiah khế mơniâ”, pôa Tô Lâm tơbâ 10 troăng hơlâ, hnoăng cheăng pêi ki kal môi tiah “ki tơƀrê troăng pêi pro” vâ Khu vâi kơdrâi tăng ‘nâi plĕng, pêi pro tung la ngiâ, tung mê kal hnê mơhno mâu ngế kơdrâi Việt Nam pêi cheăng tro tiô rơxông nếo nôkố: Pâ tơnêi têa - ‘Nâi pơkuâ pêi lo - Tuăn chân tơnôu - Hiâm mơno lĕm - Tuăn ngôa rơkê - Hriê̆n plĕng tơdoăng ki nếo - ‘Nâi hnoăng cheăng tơná pêi - cheăng kâ kơxô̆ - Ngiêt lĕm; mơnhông tơdroăng mơhnhôk “Mơjiâng on veăng 5 ôh, 3 krúa lĕm” chiâng “5 ôh - 3 krúa lĕm - 3 tơniăn lĕm”; tơniăn- hmiân tuăn - cheăng kâ tơniăn lĕm.