Kơxê 9/8, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng pơkuâ djâ khu kăn ki pêi dêi hnoăng cheăng Tơnêi têa troh pôu ƀă pơkuâ po rôh pêi cheăng ƀă Khu pơkuâ ngăn Đảng Pơlê kong kân Hà Nội ‘na tơdroăng pêi pro Pơkâ Hneăng hôp 13 dêi Đảng ƀă Hneăng hôp Đảng ƀô̆ Pơlê kong kân Hà Nội rôh má 17 hơnăm 2020 – 2024 dêi Khu xiâm pơkuâ tơdroăng kal kí ‘na Hneăng hôp Đảng ƀô̆ rêm râ pêi pro troh Hneăng hôp khu kăn lâp tơnêi têa rôh má 14 dêi Đảng.

Tối troh hnoăng cheăng tung la ngiâ, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế, Pơlê kong kân kal tơkŭm tơbleăng hên troăng hơlâ rơdêi rĕng pêi klêi ƀă tơdroăng ki tơƀrê khât tâng chiâng, tung mê, athế pêi pro klêi mâu tơdroăng pơkâ, túa pơkâ hiăng pơkâ tung Pơkâ Hneăng hôp Đảng ƀô̆ Pơlê kong kân rôh má 17 hơnăm 2020 – 2025.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế Pơlê kong kân Hà Nội tơkŭm xúa tơƀrê mâu kơxô̆ liăn vâ mơjiâng bro tơmeăm, xo tơdroăng cheăng kơphô̆ pro ivá, tro ƀă mơnhông túa lĕm tro, mơjiâng kuăn mơngế Hà Nội chiâng lĕm rơkê, tro ƀă tơdroăng ki lĕm dêi tơnêi tơníu kơphô̆ ƀă thôn pơlê tiô troăng tơmiât ki rơkê plĕng nôkố, rơkê plĕng, mơ-eăm cho Pơlê kong kân tơdjêp tung lâp tơnêi.