Tơdah kăn teăng mâ Argentina, pôa Tô Lâm, Kăn xiâm pơkuâ hnê ngăn Đảng, Kăn hnê ngăn tơnêi têa púi vâ Kăn teăng mâ kố mơ-eăm mơdêk ta nếo tơrŭm cheăng pơla péa pâ, rak vế pơtroh mâu khu râ kăn ƀă pêi cheăng dêi mâu troăng tơrŭm cheăng, pêi klêi tơdroăng ki tơdjâk xua tơrŭm cheăng.

Rơkâu Kăn teăng mâ Algeria, Kăn xiâm pơkuâ hnê ngăn Đảng, Kăn hnê ngăn tơnêi têa tối nhên Việt Nam ngăn nhuô̆m tơrŭm bă Algeria, púi vâ Kăn teăng mâ kơhnâ rơrŭm mơdêk pơtroh khu kăn, mơdêk tơrŭm cheăng tê mơdró kế tơmeăm, mơdêk khât ki tơƀrê mâu troăng tŏng kum tơrŭm cheăng.

Tơdah kăn teăng mâ Alơmăng, pôa Tô Lâm, Kăn xiâm pơkuâ hnê ngăn Đảng, kăn hnê ngăn tơnêi têa púi vâ Kăn teăng mâ veăng kum pơxúa tung tơbleăng tơrŭm cheăng tung la ngiâ Việt nam – Alơmăng. Kăn xiâm pơkuâ hnê ngăn Đảng, kăn hnê ngăn tơnêi têa tối nhên mâu khu xiâm kơvâ cheăng kong pơlê Việt Nam kô pro tơ’lêi hlâu vâ kăn teăng mâ ai môi hneăng cheăng ki ƀlêi chiâng.